2008年10月9日星期四

香港電腦業的曙光

我相信近期找Programming工作的人應該很吃香,我月頭接受Offer後,之前已經前後5個Interview電話打給我,今天那一個更主動問我幾多錢人工,說加多$1000,問我有沒有興趣。原因我不清楚,比我高學歷的人多的是,比我Dev能力強的人都多的是。最後我拒絕了他,因為我暫時都覺得現在的工作還可以,而且我現在 Main Field 是寫PHP,由ASP.NET/C# => PHP感覺就好似搾開Ferrari 轉搾Taxi 咁(大概是咁比喻..),更容易,但很有趣,習慣一下就可以了~而且呢幾個月搵工都覺得其實香港PHP P仔需求很大,誰說是Java/.NET分天下,所以我都想襯呢次操下PHP。 但其實心裡的確是有一陣歡喜,因為第一次嚐到給人挖角的滋味。

其實呢兩個幾月,我應該算是了解電腦業的就業市場 (Yes,電腦業,我唔鐘意用IT呢個字),每天都看JobsDB,奴供處,Career Times,JobMarket,招職,Classified Post ,其實Programming工作還是On Demand,相信是中上層開始(PM,BA,SA)有危機,始終人工都是有返咁上下,可以見到JobsDB其實就算唔係Agency既工,Job AD依然都好多,但很多公司根本請不到Programmer,很多廣告我也重複看了很多遍。相信原因有兩點:

1. 大專大學的電腦科,都不是有太多人選擇,其實呢一行遲早出現斷層。做開果班,你冇返咁上下人工都請唔郁佢,Fresh Grad既,又未必可以Handle到,很多公司根本唔願意花時間去Train人或者俾新人花時間去Pick up,但公司很多都眼高手低。

2. 向來開發工作就是介乎於[專業]同[不專業]之間,門檻的確是很低,你HD/Asso畢業,已經可以去找P仔工,但有如個個人話什麼PHP易學,VB易明,入門門檻是低,但又有幾多人可以摸到天花板???換句話說,僱主都眼花撩亂,畢竟Interview一個應徵者都要花時間的。

greenshot_2008-10-08_22-57-31.jpg

1,2兩點其實是互相矛盾,但幸好是,我眼中所見,幾年前要求的IT超人(C,C++,J2EE,SE,ME, C#,ASP.NET,VB,PHP,Perl...)已經好少,正所謂百屌成才,呢樣o野起好多電腦行業討論區已經屌左好多年,現在終於有改善,無論如何,雖然我學歷還是很低,指教大學生似乎很點太過...但畢竟自己都打滾了那麼久,我建議有意加入電腦業的同學仔,最重要是心中富有,穩打穩扎才能起淡市中殺出條生路,搵工向來都是在[大海]中,你和公司的Mix and Match,只要你不是拎住個學位就想混飯吃,有真材實料,Interview時,識就識,唔識就要話唔識,你自知自己有料到,自然表現得有信心,Interviewer自然就會對你有好感,其實我相信見什麼工作都好,Interviewer不是想聽你的花言巧語,而且就算給你騙得過,實際做落就見真章,其實見工的本質就是這樣。

8 則留言:

  1. 其實 IT 需求只會越來越多,因為我們的社會與 IT 根本密不可分~

    而家寫 program o既需求並唔會好似以前咁 get the job done 就算,因為 program complexity 高左好多,因此 design, architecture, code quality, maintainability, scalability 等等等都好重要。而要呢方面做得好,就絕對需要人材,而且亦要與時並進~

    各位 IT 人,大家一齊努力吧~

    回覆刪除
  2. "ASP.NET/C# => PHP感覺就好似搾開Ferrari 轉搾Taxi 咁" - total agree.
    yes, php is only a scripting language. but most of people can't really control their Ferrari well.
    by the way, how come the company uses php? i thought no one is using php in hk...

    回覆刪除
  3. 其實斷層一早出現,03年大學電腦科入學率創新低,三年後都唔見得有特別多人畢業,再加上未必喺返電腦界做,好多jobs已經outsource返上大陸。而家三至五年經驗嘅PM都缺了。

    回覆刪除
  4. "Interview時,識就識,唔識就要話唔識,你自知自己有料到,自然表現得有信心,Interviewer自然就會對你有好感,其實我相信見什麼工作都好,Interviewer不是想聽你的花言巧語,而且就算給你騙得過,實際做落就見真章,其實見工的本質就是這樣。"

    呢段都係我的想法
    不過香港地,死充係呃到人
    不過你工作性質好技術性又實在,呃唔到人,所以呢種價值觀好適用

    回覆刪除
  5. 是! 很認同你最一段講見工的睇法!
    可能始終電腦或工程界之類的工,有料冇料很易就給人看穿,所以我都是認為平常心去見工就是最好的方法,那些甚麼見工心得之類都是沒有用的

    回覆刪除
  6. 好想知點解你由 .net 轉 php. 大公司好少用 php wor.
    php 前景比較一般

    回覆刪除
  7. Re:Vincent
    其實冇話轉唔轉既,其實都係搵食o者~而且我自己主力都會放返起.NET上.
    我覺得PHP並唔係一隻好既Language.

    回覆刪除
  8. 我都係由 php 出身的 programmer , 都學緊 .net & java....
    由淺入深。繼續努力中。

    回覆刪除