2008年10月20日星期一

Silverlight in Eclipse IDE - eclipse4SL

我之前一直在想,有沒有免費的軟件是取代MS自家的Expression Blend,我找到的都是商業軟件,免費的如XamlPad,只是人手輸入XAML,不是一個Design Tool。莫非要設計XAML,就一定要付錢買軟件?既然最新Silverlight 2支持免費的Visual Web Developer做程式部份,那圖形部份怎麼辦? 好彩MS在有意無意支持一個計劃。

寫過Java/PHP的人應該一定知道什麼是Eclipse,但有誰想過可以用Eclipse設計Silverlight,這個軟件叫做eclipse4SL (Eclipse for Silverlight)。
Homepage : http://eclipse4sl.org

網頁說明是這樣的 :
- XAML Editor & Preview with code hinting and code completion: Eclipse will contain an advanced, standards-compliant XAML editor with code hinting and code hinting features which helps detect and correct coding errors.
- Full compatibility with Microsoft's Development and Design Tools: The XAML and Silverlight projects created by Eclipse will be fully supported by both Microsoft Visual Studio and Microsoft Expression Studio tools.
我未有時間試玩,不過有 ScreenShot 睇下。

Silverlight 2 Released!!!


搞左咁耐,Silverlight 終於都出左RTW(Release to Web)版,發展到而家,Silverlight 由最初受注目的動畫表現,到而家很多人更注重Application層面表現。

其實我始終相信短時間內 Silverlight 不可能取代Flash,即使再過多一兩年亦是,要製作Silverlight動畫,成本比Flash要更多。再者,寫開Flash既人都應該不願意或冇需要轉寫Silverlight。本身已經是Adobe派系亦未必願意花時間去學MS的產品。Microsoft應該都知道呢一點,始終Silverlight的最大群族還是.NET語言的Developer,所以慶幸Silverlight 2已經包含UI。

2008年10月9日星期四

香港電腦業的曙光

我相信近期找Programming工作的人應該很吃香,我月頭接受Offer後,之前已經前後5個Interview電話打給我,今天那一個更主動問我幾多錢人工,說加多$1000,問我有沒有興趣。原因我不清楚,比我高學歷的人多的是,比我Dev能力強的人都多的是。最後我拒絕了他,因為我暫時都覺得現在的工作還可以,而且我現在 Main Field 是寫PHP,由ASP.NET/C# => PHP感覺就好似搾開Ferrari 轉搾Taxi 咁(大概是咁比喻..),更容易,但很有趣,習慣一下就可以了~而且呢幾個月搵工都覺得其實香港PHP P仔需求很大,誰說是Java/.NET分天下,所以我都想襯呢次操下PHP。 但其實心裡的確是有一陣歡喜,因為第一次嚐到給人挖角的滋味。

其實呢兩個幾月,我應該算是了解電腦業的就業市場 (Yes,電腦業,我唔鐘意用IT呢個字),每天都看JobsDB,奴供處,Career Times,JobMarket,招職,Classified Post ,其實Programming工作還是On Demand,相信是中上層開始(PM,BA,SA)有危機,始終人工都是有返咁上下,可以見到JobsDB其實就算唔係Agency既工,Job AD依然都好多,但很多公司根本請不到Programmer,很多廣告我也重複看了很多遍。相信原因有兩點:

1. 大專大學的電腦科,都不是有太多人選擇,其實呢一行遲早出現斷層。做開果班,你冇返咁上下人工都請唔郁佢,Fresh Grad既,又未必可以Handle到,很多公司根本唔願意花時間去Train人或者俾新人花時間去Pick up,但公司很多都眼高手低。

2. 向來開發工作就是介乎於[專業]同[不專業]之間,門檻的確是很低,你HD/Asso畢業,已經可以去找P仔工,但有如個個人話什麼PHP易學,VB易明,入門門檻是低,但又有幾多人可以摸到天花板???換句話說,僱主都眼花撩亂,畢竟Interview一個應徵者都要花時間的。

greenshot_2008-10-08_22-57-31.jpg

1,2兩點其實是互相矛盾,但幸好是,我眼中所見,幾年前要求的IT超人(C,C++,J2EE,SE,ME, C#,ASP.NET,VB,PHP,Perl...)已經好少,正所謂百屌成才,呢樣o野起好多電腦行業討論區已經屌左好多年,現在終於有改善,無論如何,雖然我學歷還是很低,指教大學生似乎很點太過...但畢竟自己都打滾了那麼久,我建議有意加入電腦業的同學仔,最重要是心中富有,穩打穩扎才能起淡市中殺出條生路,搵工向來都是在[大海]中,你和公司的Mix and Match,只要你不是拎住個學位就想混飯吃,有真材實料,Interview時,識就識,唔識就要話唔識,你自知自己有料到,自然表現得有信心,Interviewer自然就會對你有好感,其實我相信見什麼工作都好,Interviewer不是想聽你的花言巧語,而且就算給你騙得過,實際做落就見真章,其實見工的本質就是這樣。

2008年10月4日星期六

網絡23條淪為笑柄

今日睇到蘋果日報一個標題:
檢 討 淫 審 文 件 出 爐   各 界 憂 慮 :
從 嚴 規 管 互 聯 網   形 同 網 絡 23 條
http://appledaily.atnext.com

其中一段:
...政府同時提另一更強硬方案,聲言為了提高阻嚇力,連點對點傳送也規管,以杜絕透過集體電郵傳遞不雅訊息等情況。文件又提出,仿效澳洲等地方,增設瀏覽控制系統,要瀏覽不雅資訊人士,先輸入信用卡資料核實身份。對於屢發不雅物品的網民,政府提出收緊互聯網服務合約,供應商可取消屢犯者的寬頻服務。...

我睇到呢段打左個突,腦中即時傳來多個問號,有幾點我想講下:
點對點傳送也規管
P2P傳送一直起國際社會上都很難規管,如何用Packet去判定是不是違法檔案???我File名寫到明有露點,最後實際段片原來係"臘筆小新",咁又點呢。還是請一班人齊齊BT睇咸片???見到露點就入紙告人?

瀏覽控制系統
好似大陸咁封鎖某部份網站,但係準則冇概定。例如香港高登經常有烈士無神神貼AV封面,大量反政府訊息。假如呢類網站要封鎖的話,相信香港討論區,因為有夜遊區,大量嫖妓資訊,相信都難免一死,日後香港人只可以去親子王國吧。

先輸入信用卡資料核實身份
這一點最搞笑,係每次都要輸入,還是輸入一次就以後唔洗? 輸入後經什麼去Authorize?需唔需要檢查Expire Date?會唔會做就更多網絡安全隱憂?如果經網上的Gateway去做Verify,要花幾多錢去成立一個部門去處理每日過百萬的要求?
提出呢個做法根本就係唔用腦。

政府提出收緊互聯網服務合約,供應商可取消屢犯者的寬頻服務
ISP彩你政府都傻喇,好似果時傳聞I-Cable Block BT同埋多次爆出客戶資料俾警方,即時幾多人過檔HKBN。邊間幫政府就死邊間,佢地自己ISP公司都要係咁搵新客,又點會真係主動Cut合約。

基本上這個(商務及經濟發展局副局長)蘇錦樑,真係冇o野搵o黎做。最後只會再次浪費公帑,開多幾個政府部門,養多一大班廢人起度。