2009年4月17日星期五

香港IT界要走出困境

岩岩起香港討論區,睇到有個網友講既o野,想分享下。
香港IT界要走出困境,其中有一位網友回應 : ( 香港 IT 界要走出困境,一定唔系靠外來因素或者僱主因素,而系我地每個 IT 人付出既力量,呢種力量才是最大的。)

其實我都幾同意,自從科網爆破後,已經唔可能講什麼"外來因素",外國不用想,連最近香港的大陸亦唔見有什麼大公司會o黎香港大量請人,"僱主因素"更加講都唔洗講。該回應主要話,先由社群開始,集結一班真正的IT人,用作技術交流,業界消息分享等等。
雖然或者只是一個討論區,或者一個網站,但是的確有一個無形的力量起度。

其實香港IT業行頭唔大,如果有一個地方,可以俾行內人傾計,甚至宣洩下工作的壓力其實是不錯。始終電腦工作,所遇到的問題,只有同行至了解。
又話者某人做過一間好有問題的公司,一個人做十樣o野,某人可以公開俾其他同行知道,至少知情的人不會去這間公司工作,呢間公司亦不會咁容易請到人,搵人苯。
事實上香港是完完全全沒有一個似樣的交流地方給IT業,就算人流算高的什麼香港討論區IT版,做版主的都不能公正嚴明,而版上文章亦有好多學生問功課,或者未畢業已經問人工的Post。

其實我曾經想搞過一個,反正我咁多年都keep住有用Hosting / Dedicated 或 VDS Server,只是Host一個討論區真的沒有什麼難度,但是宣傳方面,單人之力,實在太難。

8 則留言:

  1. 我地要一D好似"英國電腦學會" 0個D專業得來又可以有D研討會開呀的組織囉。
    但係晌香港D會都只係D有錢佬聯誼,不成氣候咁。

    回覆刪除
  2. 以我所見, facebook 入面有大量有關呢 d 既 group (可能 IT 人善用電腦吧), 亦有人提供了一個同 IT event 有關既 Calendar, 我覺得入面唔係果 d 有錢佬聯誼既活動 http://tinyurl.com/itcal

    另一方面, 有人覺得香港既有關組織係聯誼, 其實我都覺, 但另一方面睇, 佢地會內人數唔多, 而且 member 唔主動, 咁就形成左班主動既小圈子 (通常係班有錢佬), 其實如果大家主動 d, 將佢地個小圈子擴大, 會內多人可以搞多 d 活動, 願意分享經驗, 對香港先有進步.

    回覆刪除
  3. Instead of setting up a forum that people need to find and join, why not try twitter/plurk? It's definitely gaining traction.

    回覆刪除
  4. 其實Facebook既Group係有好多,但係問題在於Facebook的討論版面其實唔係太好.
    另外香港既環境好特殊,個個人一日返工都起碼9個鐘,起一個討論區對任何人o黎講都唔難, 打理方面都可以有分區版主,但係一開始的宣傳就很花時間。

    其實我相信香港做IT業的人, 或者讀電腦系的人, 都很想有一個可以感覺係"家"的網站。
    其實"聯誼"性質都唔係唔好,有時工作上的關顧,或者朋友都由此建立。

    回覆刪除
  5. 其實就算香港電腦商會,就只係一個見錢開眼既會。佢地既前會長-張耀成,佢自己都係一間公司既老細。
    佢搞既所謂電腦展同電腦節,除左累死高登場,仲整臭 "香港電腦" 呢4隻字。而咁多個所謂資訊科技既議員,前有單仲偕,而家有譚偉豪,兩個都唔知佢做過o的乜。

    其實如果再搵搵,香港係有政府認可以既資訊科技團體
    http://www.hkitjc.org.hk/content/view/43/74/lang,zh_tw/

    但係我相信佢地既公司會員同個人會員,全部都係上晒岸既人。好似我呢類仲捱緊驢仔既,只可以自救。

    回覆刪除
  6. 老友, 不如你try下同香港人網, hkdiscuss 或 uwants合作啦!

    回覆刪除
  7. http://technow.com.hk is 集結一班IT人,用作技術交流,業界消息分享等等。

    回覆刪除
  8. 以我作為 programmer 黎講, 最新既 news 包括有咩新 Tools (e.g. Visual Studio 2010 information), 新 framework release, 又或者有咩好既 methodology (e.g. news for agile development, test driven design, domain driven design, aspect oriented design) 等等, 其實大部份這些資訊只要 subscribe 左 code project 既 mailing list 或者 delicious bookmark 都已經有, 仲日日有新野.

    而我對果 d 相機, DV 就無乜興趣, 就算係 PDA 黎講, 都唔會理會有咩新電話出, 只會理會佢係咩 platform 可以寫 code, 可唔可以做到 multi-touch, 點可以係果個 platform 工作.

    以上係我作為 programmer 既 viewpoint, 對 support 而言佢地 concern 既又係另一樣野, 不過現在本地亦未有有關既地方可以比我得到最新既中文版資訊.

    回覆刪除