復興ICQ

其實我覺得Live Messenger真係一代比一代衰...2009仲要冇埋個Send制....好唔方便~其實有返廿幾歲既人應該都實玩過ICQ，真係好懷念Loading時果朵花轉轉圖，同埋打字既"拍拍聲"。不過諗返真係唔知點解當年突然間所有人轉晒玩MSN。唯有解釋既就係AOL....AOL係一間買乜死乜，出乜死乜既公司...ICQ俾佢玩死，Winamp都俾佢玩死埋....不過其實我始終都覺得ICQ好過MSN。最起碼溝女時唔需要問幾歲住邊之類既問題....而ICQ既Info係真係有人睇，反而MSN的Live Profile要再Load網頁就未必有人睇，更加未必有人知...

之排見到Facebook有個Group係話想復興ICQ，用Virtual PC試下裝返，之前6位Account竟然仲Login到....不過當然就一個人都冇Online...試玩過後，覺得其實ICQ 6.5版本其實都唔太差，改Info,Icon果o的基本功能都仲Keep到...不過就好多廣告....但係呢o的實有Patch搞左佢...

而且ICQ的Random Search都仲起度，而且仲有人用！順手Cap左幾個Screen，俾大家睇下喇~
不過與其復興ICQ，不如轉玩大陸QQ，其實大陸QQ仲正~不過我相信香港興唔起其中一個原因係港女唔會想用QQ，因為某程度上佢地始終覺得"香港女仔"高"大陸女仔"一等，唔想物以類聚掛...

Facebook Group:
ICQ復興活動 http://www.facebook.com/group.php?sid=f3800e2eb9cbd5903efcee1042861709&gid=22218524303
我用 ICQ 的日子 http://www.facebook.com/group.php?sid=f3800e2eb9cbd5903efcee1042861709&gid=42412273303
等你"喔噢"我-ICQ http://www.facebook.com/group.php?sid=f3800e2eb9cbd5903efcee1042861709&gid=14965717233