IT搵工哀歌

起香港討論區，淡友集中地-資訊科技版搵到呢張圖，睇完呢篇文，冇乜感覺，只因文中既說話我自己都講得太多。
其實諗返當初我有機會免學分讀IVE HD，真係唔應該揀讀電腦...令到我Degree都要順勢讀返電腦。如果俾我重新揀多一次，我會讀社工，除左幫到人，人工高之外，就係前景好，香港未來只會有更多社會問題，需要更多社工。

不過其實電腦行業，工作空缺真是"一浸浸"的，有時幾日既Job AD都未必有一份岩自己，但有時就一連有幾份心水。
所以我見到香港討論區網友經常追求"專業"資格，
不如盡量裝備自己，而且做電腦最忌"乜都識，冇樣精。"，到有好工時至知道未夠料已經太遲。

雖然有好多人都同我講過話學咁多o野，最後都係"Dup石仔"，但做得耐電腦呢行，深明"技術"未必係升職條件，但絕對係生存條件，就算突破唔到樽頸位，做唔到管理級數，但起咁惡劣既行頭下，至少亦未怕失業。不過我自己每天都仲係"捱驢仔"，預計最做到4月，岩岩好夠一年又要轉工了。